கர்நாடகத்தில் மொத்தம் உள்ள 224 தொகுதிகளில் 2 இடங்கள் தவிர 222 தொகுதிகளுக்கு கடந்த 12-ம் தேதி தேர்தல் நடைபெற்றது.

முன்னெப்போதும் இல்லாத அளவுக்கு இந்த தேர்தலில் 72.36 சதவீத ஓட்டுகள் பதிவாயின. இந்நிலையில், பதிவான வாக்குகள் எண்ணும் பணி 38 மையங்களில் நடந்து வருகிறது.

தொடக்கத்தில் இருந்து காங்கிரஸ் – பாஜக இடையே கடும் போட்டி நிலவி வந்தது. இரு கட்சிகளும் மாறிமாறி முன்னிலை பெற்று வந்தன.

பெரும்பான்மைக்கு தேவையான 112 இடங்களை இன்னும் எந்த கட்சியும் எட்டாத நிலையில், பாஜக 100 தொகுதிகளை தாண்டி முன்னிலை பெற்று வருகிறது.

காங்கிரஸ் 67 தொகுதிகளிலும், மஜத 40 தொகுதிகளிலும் முன்னிலை பெற்று வருகின்றன. பெரும்பான்மைக்கு இன்னும் சில இடங்களே தேவை என்ற நிலையில், பாஜக முன்னிலை வகித்து வரும் நிலையில், அங்கு பாஜகவே ஆட்சியமைக்க அதிக வாய்ப்பு உள்ளதாக கூறப்படுகிறது.

எனினும், பாஜக ஒருவேளை பெரும்பான்மை பெறவில்லை என்றால், காங்கிரஸ் – மஜத கூட்டணி அமைத்து ஆட்சியமைக்கும் என தெரிகிறது.

(Visited 49 times, 1 visits today)