உலகக்கோப்பை கிரிக்கெட் தொடரில் பங்கேற்கும் இந்திய அணிக்கான ஜெர்சியில் பல்வேறு சிறப்பம்சங்களுடன் அறிமுகம் செய்யப்பட்டுள்ளது.

இங்கிலாந்து மற்றும் வேல்ஸில் உலகக்கோப்பை கிரிக்கெட் தொடர் வரும் மே 30 முதல் ஜூன் 14 வரை நடக்கவுள்ளது. மொத்தமாக 45 லீக் போட்டிகள் மற்றும் 3 நாக் – அவுட் போட்டிகள் என 48 போட்டிகள் சுமார் 12 நகரங்களில் நடக்கவுள்ளது.

கடந்த 1992ல் பென்ஷன் மற்றும் ஹெட்ஜ்ஸ் உலகக்கோப்பை முறைப்படி அடுத்த ஆண்டும் இத்தொடர் நடக்கவுள்ளது. இந்நிலையில் இங்கிலாந்தில் நடக்கும் உலகக்கோப்பை கிரிக்கெட் தொடருக்கான அணியில் தேவையான மாற்றம் செய்ய இன்னும் 3 நாட்கள் மட்டுமே உள்ளது.

இந்நிலையில் உலகக்கோப்பை தொடரில் பங்கேற்கும் இந்திய அணி வீரர்களுக்கான ஜெர்சி சமீபத்தில் அறிமுகம் செய்யப்பட்டது. இதில் இரட்டை ஷேட் ப்ளூ நிறம்இ மறுசுழற்சி செய்யப்பட்ட பாலியஸ்டர் என பல்வேறு சிறப்பம்சங்களுடன் வழக்கமான நைக் நிறுவனம் புதுமைகளை புகுத்தியுள்ளது.

இந்த ஜெர்சியில் அடர்ந்த மற்றும் லேசான நீல நிறம் என இரண்டு நிறங்களை கொண்டுள்ளது. தவிர, சாம்பியன்ஸ் டிராபி கிரிக்கெட் தொடரில் பங்கேற்ற இந்திய வீரர்கள் அணிந்திருந்த ஜெர்சியைப்போலவே காலர்களில் ஆரஞ்சு நிறம் உள்ளது.

தோள்பட்டையில் இருந்த மூவர்ணம் நீக்கப்பட்டு, உட்பக்கமாக இந்திய தேசியக்கொடியின் மூவர்ணம் சேர்க்கப்பட்டுள்ளது.

இது வரலாறு…..

தவிர, இந்த ஜெர்சியின் உட்பகுதியில் காலரின் பின்பக்கத்தில், இந்திய அணி வென்ற மூன்று உலகக்கோப்பை (டி-20 (2007), 2 ஒருநாள் (1983, 2011)) தேதிகள் மற்றும் ஸ்கோர்கள், வென்ற இடம் உட்பட மூன்று ஸ்டார்கள் இடம் பெற்றுள்ளன.

‘கிங்’ கோலி ஆர்வம்:

தவிர, இந்த ஜெர்சி எந்த பக்கமும் எவ்வளவு வேண்டுமானாலும் இழுவைத்தன்மை கொண்டாக வடிவமைக்கப்பட்டுள்ளது. இந்த பிரத்யேகமான ஜெர்சியை அணிந்து இந்திய அணியை உலகக்கோப்பை அரங்கில் வழிநடத்தும் பெருமையான தருணத்துக்காக காத்திருப்பதாக இந்திய கிரிக்கெட் அணி கேப்டன் விராட் கோலி தெரிவித்துள்ளார்.

(Visited 1 times, 1 visits today)