தமிழ் சினிமாவின் நகைச்சுவை மன்னன் வைகைப்புயல் இன்று தனது 58வது பிறந்தநாளை கொண்டாடுகிறார்.

தமிழ் சினிமாவில் நகைச்சுவை மன்னர்கள் பட்டியலில் கவுண்டமனி, செந்தில் வரிசையில் இடம்பிடித்தவர் வைகைப்புயல் வடிவேலு. இயக்குனர் டி.ராஜேந்திரன் இயக்கத்தில் வந்த என் தங்கை கல்யாணி என்ற படத்தில் சிறப்பு தோற்றத்தில் நடித்திருந்தார். இப்படம் 1988ம் ஆண்டு திரைக்கு வந்தது. இப்படத்தைத் தொடர்ந்து ராஜ்கிரண் உடன் இணைந்து என் ராசாவின் மனசிலே என்ற படத்தில் நடித்திருந்தார். இந்தப் படத்தில் கவுண்டமனி, செந்தில் ஆகியோர் நடித்திருந்தால், இவரது கதாபாத்திரம் பெரிதும் பேசப்படவில்லை என்றே கூறலாம்.

1988ம் ஆண்டு தொடங்கி கடந்தாண்டு தளபதி விஜய் நடிப்பில் வந்த மெர்சல் படம் வரை கிட்டத்தட்ட 175க்கும் மேற்பட்ட படங்களில் நடித்துள்ளார். ஒரு காமெடியனாக மட்டும் இல்லாமல், பின்னணிப் பாடகர், ஹீரோவாகவும் நடித்துள்ளார். இவரது நடிப்புத் திறமைக்கு ஈடு இணை எதுவும் இல்லை என்றே சொல்லலாம். ரஜினிகாந்த், கமல் ஹாசன், சத்யராஜ், விஜயகாந்த், விக்ரம், ஜெயம் ரவி, பிரசாந்த், விஜய், விஷால், பார்த்திபன், ராஜ்கிரண், பிரபு, சரத்குமார் என்று மாஸ் சூப்பர் ஹீரோக்களுடன் இணைந்து ஏராளமான படங்களில் நடித்துள்ளார்.

தற்போது சூரி, ரோபோ சங்கர், யோகி பாபு என்று காமெடி நடிகர்கள் வளர்ந்து வருவதால், வடிவேலுவிற்கு சினிமா வாய்ப்பு குறைந்து வருகிறது. எனினும், சினிமாவில் தனக்கென்று ரசிகர்கள் பட்டாளத்தை குவித்துக் கொண்ட வடிவேலுவின் இடத்தை யாராலும் ஈடு செய்ய முடியாது என்பது மறுக்க முடியாத உண்மை. இந்த நிலையில், இன்று தனது 58வது பிறந்தநாளை கொண்டாடும் வைகைப்புயல் வடிவேலுவிற்கு பலரும் தங்களது வாழ்த்துக்களை தெரிவித்து வருகின்றனர். ஸ்ரீ தேனாண்டாள் பிலிம்ஸ் நிறுவனமும் வடிவேலுவிற்கு பிறந்தநாள் வாழ்த்து தெரிவித்துள்ளது என்பது குறிப்பிடத்தக்கது.

(Visited 1 times, 1 visits today)