நடிகை ரேவதி தான் குழந்தைப் பெற்றுக் கொண்ட ரகசியத்தை வெளியிட்டுள்ளார்.

‘மண்வாசனை’ என்ற படத்தின் மூலம் தமிழில் அறிமுகமானவர் நடிகை ரேவதி. இதையடுத்து கன்னி ராசி, ஆண் பாவம், மௌன ராகம், அரங்கேற்ற வேளை, ஒரு கைதியின் டைரி உள்ளிட்ட ஏராளமான படங்களில் நடித்துள்ளார். இவருக்கும், இயக்குநர் சுரேஷ்மேனனுக்கும் இடையே காதல் ஏற்பட்டது.

இருவீட்டார் சம்மதத்துடன் திருமணம் செய்து கொண்டனர். இவர்களது தயாரிப்பில் ‘புதிய முகம்’ என்ற படம் வெளியானது. இப்படம் வெற்றியடையவில்லை. அதன்பிறகு கருத்து வேறுபாடு ஏற்பட்டு, இருவரும் விவாகரத்து மூலம் பிரிந்து விட்டனர். தற்போது கேரளாவில் வசித்து வருகிறார்.

இந்நிலையில் சோதனைக் குழாய் மூலம் குழந்தை ஒன்றை பெற்றுக் கொண்டார். இதுகுறித்து சில ஆண்டுகளுக்கு முன் அவர் கூறுகையில்இ வாழ்வில் பல பிரச்சனைகளை கடந்து வந்துவிட்டேன். தாய்மை என்பது பெண்ணை முழுமை அடையச் செய்வது.

இதற்காக ஏங்கிய நிலையில், சோதனைக் குழாய் மூலம் கர்ப்பம் அடைந்து, பெண் குழந்தையைப் பெற்றெடுத்தேன். அவள் பெயர் மகி. அவள் இல்லாமல் என் வாழ்க்கை இல்லை. அவளே என் உலகம். ஒரு அம்மாவாக அவளை நன்கு கவனித்துக் கொள்வேன் என்று கூறியிருக்கிறார்.

(Visited 1 times, 1 visits today)