ஏப்ரல் மாதம் வெளியாக வேண்டிய ‘2.0’ படத்துக்குப் பதிலாக அதே மாதத்தில் ‘காலா’ படம் வெளியாகவுள்ளது.

தற்போது ரஜினி நடிப்பில் உருவாகியுள்ள படங்கள் ‘2.0’ மற்றும் ‘காலா’. இந்த இரண்டு படங்களும் வரிசையாக வெளியாகும் நிலையில் உள்ளன. இதில் எந்த படம் முதலில் வரும் என்பதை ரஜினியே ஒரு பேட்டியில், ‘2.0’ படம் தான் முதலில் வரும் என்றார். அதேபோல் ‘2.0’ படம் வரும் ஏப்ரல் மாதம் வெளியாகும் என்று அறிவித்தனர்.

இந்த நிலையில் தற்போதைய தகவல்படி, ‘2.0’ படத்தில் வி.எப்.எக்ஸ். கிராபிக்ஸ் காட்சிகள் நிறைய இருப்பதால் படத்தின் ரிலீஸ் தள்ளிப்போவதாக கூறப்படுகிறது. இதனால் ரஜினியின் ‘காலா’ படத்தை ஏப்ரல் மாதம் தமிழ் புத்தாண்டு தினத்தில் ஸ்பெஷலாக வெளியிட படக்குழு முடிவு செய்து வருவதாக கூறப்படுகிறது.

(Visited 94 times, 1 visits today)