ரஜினிகாந்தின் ‘காலா’ திரைப்படம்  வசூலில் ரூ.100 கோடியைத் தாண்டியுள்ளது.

பா.ரஞ்சித் இயக்கத்தில் ரஜினிகாந்த் நடிப்பில் வெளியான திரைப்படம் ‘காலா. இதில் ஹூமா குரேஷி, நானா படேகர், பங்கஞ் திரிபாதி, ஈஸ்வரி ராவ் உள்ளிட்ட பலர் நடித்துள்ளனர். மும்பை தாராவியில் ’நிலம் எங்கள் உரிமை’ என்ற கருவை மையமாகக் கொண்டு, கதை உருவாக்கப்பட்டுள்ளது.

இப்படம் ரசிகர்கள் மத்தியில் பெரும் வரவேற்பை பெற்றுள்ளது. அதேபோல் வசூலிலும் பல்வேறு சாதனைகள் படைத்து வருகிறது. கடந்த 7ஆம் தேதி ‘காலா’ படம் வெளியான நிலையில், தமிழகத்தில் 650 திரையரங்குகளில் வெளியானது. முதல் நாளில் சராசரியாக 60-70 அளவிற்கு டிக்கெட்கள் விற்று தீர்ந்தன.

இது ரஜினியின் முந்தைய படங்களை விட, மிகவும் குறைவாகும். சென்னை, செங்கல்பட்டில் 85மூ டிக்கெட்கள் விற்று தீர்ந்தன. தமிழ்நாட்டில் முதல் நாளில் மட்டும் ரூ.15.4 கோடி வசூலை ஈட்டியுள்ளது. 2வது நாளில் ரூ.10.5 கோடியும், 3வது நாளில் ரூ.8.4 கோடியும், 4வது நாளில் ரூ.9.3 கோடியும் வசூலித்துள்ளது.

ஒட்டுமொத்தமாக 4 நாட்களில் ரூ.43.6 கோடி ஈட்டியுள்ளது. சென்னையில் இதுவரை ரூ.6.6 கோடி வசூலை ஈட்டியுள்ளது. அமெரிக்க பாக்ஸ் ஆபிஸில் ரூ.6.83 கோடி வசூலைத் தாண்டியுள்ளது. திரைப்பட வர்த்தகத் துறை வல்லுநர் ரமேஷ் பாலாவின் தகவலின் படி, காலா படம் 3 நாட்களில் ரூ.100 கோடியை வசூல் செய்துள்ளது.

ஆஸ்திரேலியாவில் ‘பத்மாவத்’ திரைப்படத்திற்கு பின், ’காலாவிற்கு’ மிகப்பெரிய வரவேற்பு கிடைத்துள்ளது. தனுஷ் ரூ.140 கோடி தயாரிப்பில் ‘காலாவை’ தயாரித்தார். படம் வெளியாவதற்கு முன்பே, சாட்டிலைட் உரிமம் உள்ளிட்டவை மூலம் ரூ.230 கோடி ஈட்டினார்.

சவுதி அரேபியாவில் திரைப்படங்கள் மீதான தடை நீக்கப்பட்ட பிறகு வெளியாகும் முதல் இந்தியத் திரைப்படம் ‘காலா’ என்பது குறிப்பிடத்தக்கது.

(Visited 127 times, 1 visits today)