வாட்ஸ் அப் மூலம் பணம் அனுப்பும் புதிய வசதி அடுத்த வாரம் முதல் அறிமுகமாகும் என்று எதிர்பார்க்கப்படுகிறது.

ஃபேஸ்புக்கும் வாட்ஸ் அப்பும் ஒரே நிறுவனம் என்றாலும்  தொழில்நுட்ப ரீதியில் இரண்டிற்கும் கடும் போட்டி நிலவி வருகிறது. அந்தவகையில், ஃபேஸ்புக்கில் இருக்கும் வசதிகள் வாட்ஸ்அப்பில் இல்லை என்ற குற்றச்சாட்டுக்கள் பயனாளர்கள் மத்தியில் ஏற்பட்டது. இதனையடுத்து குரூப் வீடியோ காலிங், ஒருமுறை அனுப்பிய மெசேஜை டெலிட் செய்வது உள்ளிட்ட வசதிகள் வாட்ஸ் அப்பில் கொண்டுவரப்பட்டது. .

இந்நிலையில், வாட்ஸ் அப் மூலம் பணம் அனுப்பும் வசதியை நீண்ட காலமாக வாடிக்கையாளர்கள் கோரிக்கை வைத்து வருகின்றனர். ஏற்கனவே கடந்த பிப்ரவரி மாதம் வாட்ஸ் அப் பைளைட் வெர்சனில் பணப்பரிமாற்றம் செய்யும் வசதி சோதனை முறையல் கொண்டுவரப்பட்டது. இதில் 1 மில்லியன் வாடிக்கையாளர்கள் இணைந்தனர்.

இந்நிலையில், தற்போது ஆக்சிஸ், ஐசிஐசஐ, ஹெச்டிஎப்சி ஆகிய மூன்று வங்கிகளுடன் இணைந்து வாட்ஸ் அப் நிறுவனம் தனது டிஜிட்டல் பணப்பரிவர்த்தனை சேவையை தொடங்கவுள்ளது. அடுத்த வாரம் முதல் இந்த சேவை அறிமுகபடுத்தப்படலாம் என்றும் விரைவில் எஸ்பிஐ வங்கியும் இதில் இணையவுள்ளதாகவும் கூறப்படுகிறது.

(Visited 81 times, 1 visits today)