800 மீற்றர் ஓட்டத்தில் 5 மாத கர்ப்பிணி அசத்தல்
2017-06-26 16:01:58 | General

5 மாத கர்ப்பிணி வீராங்கனை அலிசியா மொன்டானோ அமெரிக்காவில் நடைபெற்ற 800 மீற்றர் ஓட்டப் பந்தயத்தில் கலந்து கொண்டு அசத்தியுள்ளார். 


அமெரிக்காவில் கடந்த வியாழக்கிழமை யு.எஸ்.ஏ. டிரக் மற்றும் பீல்ட் சம்பியன்ஷிப்ஸ் தடகள போட்டி நடைபெற்றது. இதில் 800 மீற்றர் ஓட்டப் பந்தயத்தில் கலந்து கொள்வதற்காக அலிசியா மொன்டானோ வந்திருந்தார். 


இவரை பார்த்ததும் அனைவரும் ஆச்சரியம் அடைந்தனர். ஏனென்றால் அலிசியா 5 மாத கர்ப்பிணியாக இருந்தார். கடும் வெயிலை பொருட்படுத்தாமல் அலிசியா மிகச்சிறப்பாக ஓடினார்.

அனைவரும் பதபதைத்த நிலையில், வயிற்றில் 5 மாத குழந்தை இருக்கிறது என்ற கவலையில்லாமல், அலிசியா 800 மீற்றர் பந்தயத்தை சிட்டாக கடந்தார். 


31 வயதாகும் இவரால் முதல் இடத்திற்கு வரமுடியவில்லை என்றாலும், 2 நிமிடம் 21.40 வினாடிகளில் பந்தய தூரத்தை கடந்தார். முதல் இடத்தை பிடித்த வீராங்கனையை விட 19 வினாடிகள் மட்டுமே காலதாமதமாகும். 


இவர் கர்ப்பிணியாக ஓட்டப் பந்தயத்தில் கலந்து கொள்வது இது முதன்முறையல்ல. ஏற்கனவே, 2014 இல் தனது முதல் குழந்தை வயிற்றில் இருக்கும் போதும் இதே தொடரில் கலந்து கொண்டுள்ளார். அப்போது 8 மாத கர்ப்பிணியாக இருந்தார் என்பது குறிப்பிடத்தக்கது. 


இவர் தனிப்பட்ட முறையில் 800 மீற்றர் ஓட்டத்தை 1 நிமிடம் 57.34 வினாடிகளில் கடந்துள்ளார் என்பதும் குறிப்பிடத்தக்கது. 

 

TOTAL VIEWS : 153
comments
NAME :
YOUR NAME IS REQUIRED.
EMAIL :
YOUR EMAIL ADDRESS IS REQUIRED.
INVALID EMAIL ADDRESS.
NOT FOR PUBLICATION
 
ADD YOUR COMMENT.
  ENTER THE TEXT HAS SHOWN
hzo4d
  PLEASE ENTER CAPTA VALUE.