"பாகிஸ்தான் சுருண்டதை ஏற்க முடியாது"
2017-06-06 17:58:27 | General

இந்தியா  பாகிஸ்தான் போட்டி குறித்து பாகிஸ்தான் அணியின் முன்னாள் அணித் தலைவரான ஷாகித் அப்ரிடி ஐ.சி.சி. இணையத்தளத்தில் கருத்து வெளியிட்டுள்ளார்.
இது பற்றி அவர் கூறுகையில்;


சம்பியன்ஸ் கிண்ணப் போட்டியில் இந்தியா  பாகிஸ்தான் ஆட்டம் மீது உருவான எதிர்பார்ப்புகள் அனைத்தும் பொய்த்துப் போய்விட்டன.


மறக்க முடியாத போட்டியை பாகிஸ்தான் வெளிப்படுத்தியது. ஒரு ஆதரவாளராக இதனைப் பார்க்க வேதனையாக உள்ளது. இந்தியா வெற்றி பெறும் என கணிக்கப்பட்ட நிலையில், இந்தியா அதே தன்மையுடன் கடைசி வரை விளையாடியது.


நாணயச் சுழற்சியில் வெற்றி பெற்ற பாகிஸ்தான் அணியின் தலைவர் சர்ப்ராஸ் அகமது பந்துவீச்சை தெரிவு செய்தார். ஆனால் மோசமான திட்டமிடலும் அணுகுமுறையும் சொதப்பிவிட்டன.


இந்திய அணியின் தொடக்க வீரர்கள் ரோஹித் சர்மாவும் ஷிகர் தவானும் நிலைத்து நின்றுவிட்டனர். தொடர்ந்து கோஹ்லி, யுவராஜ் சிங்கும் அதிரடி காட்டினர். பாகிஸ்தான் களத்தடுப்பும் சாதாரணமாகவே இருந்தது. கேட்சுகளை தவறவிட்டனர்.


இந்தியா 319 ஓட்டங்கள் எடுத்த நிலையிலும் துடுப்பாட்டத்திற்கு சாதகமான மைதானத்தில் 164 ஓட்டங்களில் பாகிஸ்தான் சுருண்டதை ஏற்றுக் கொள்ள முடியாதென தெரிவித்துள்ளார். 

TOTAL VIEWS : 405
comments
NAME :
YOUR NAME IS REQUIRED.
EMAIL :
YOUR EMAIL ADDRESS IS REQUIRED.
INVALID EMAIL ADDRESS.
NOT FOR PUBLICATION
 
ADD YOUR COMMENT.
  ENTER THE TEXT HAS SHOWN
sdgz6
  PLEASE ENTER CAPTA VALUE.