யுனிசெஃபின் தூதரான திரிஷா
2017-11-20 13:09:56 | General

ஐநாவின் குழந்தைகள் நல அமைப்பான யுனிசெஃபின் பிரபல தூதராக நடிகை த்ரிஷா நியமிக்கப்பட்டுள்ளார்.

நடிகை த்ரிஷா நடிப்பு மட்டுமின்றி சமூக சேவைகளிலும் தொடர்ந்து ஈடுபட்டு வருவதால் அவருக்கு இந்த அங்கிகாரம் கிடைத்துள்ளது.

இந்த பதவியில் இருந்தபடி அவர் குழந்தைகள் கல்வி, குழந்தைத் திருமண முறை, குழந்தைத் தொழிலாளர் முறை, பெண் குழந்தைகளுக்கு எதிரான பாலியல் வன்முறைகள் போன்றவற்றை தடுக்கும் முயற்சியில் திரிஷா இறங்குவார்.

த்ரிஷாவை யுனிசெஃப் தூதராக அறிவிக்கும் நிகழ்ச்சி நேற்று சென்னையில் நடந்தது.
நிகழ்ச்சியில் பங்கேற்ற த்ரிஷா பேசுகையில், "இது எனக்குப் பெரிய கவுரவம்.

தமிழகம் மற்றும் கேரளாவில் உள்ள குழந்தைகள் மற்றும் இளைஞர்களின் கல்வி, சுகாதாரம், குழந்தைகள் பாதுகாப்புக்காக தொடர்ந்து நான் குரல் கொடுப்பேன். பெண் குழந்தைகள் 18 வயது வரை கட்டாயம் கல்வி பயின்றால் குழந்தை திருமண முறையை ஒழித்துவிடலாம்," என்றார் .

இது தொடர்பாக இன்று அவர் பத்திரிக்கையாளர்களிடத்தில் பேசியதாவது: குழந்தைகளுக்கு எதிரான பாலியல் குற்றங்கள் அதிகரிப்பதன் காரணமே விழிப்புணர்வு இன்மைதான் . அதேபோல் பெண்குழந்தைகளுக்கு கல்வி மிகவும் முக்கியம் என்றார்.

காதலை பற்றி அவரிடம் கேட்டபோது ’ காதல் என்றால் என்ன என்பதை தேடிகொண்டிருக்கிறேன் . உண்மையான காதலை தேடிக்கொண்டிருக்கிறேன் . என்று கூறினார்.

தென்னிந்திய சினிமாவிலிருந்து ஒரு நடிகை யுனிசெஃப் அமைப்பின் இந்த அங்கீகாரத்தைப் பெறுவது இதுவே முதல் முறை என்பது குறிப்பிடதக்கது.

TOTAL VIEWS : 287
comments
NAME :
YOUR NAME IS REQUIRED.
EMAIL :
YOUR EMAIL ADDRESS IS REQUIRED.
INVALID EMAIL ADDRESS.
NOT FOR PUBLICATION
 
ADD YOUR COMMENT.
  ENTER THE TEXT HAS SHOWN
ygsh8
  PLEASE ENTER CAPTA VALUE.